wala nang kai-kaibigan
sa mga tiyang ginutom at katawang
pinagod ng mga manlulupig
na madaling makalimot.
Kung minsan,
ang paglaban
ay napagkakamalang
paghihiganti
mistulang tunog na gumagambala at
ligalig na hindi mapatahan
nakaririndi
Ngunit may iba pa bang paraan
upang mapakinggan
kung ang tenga nila’y
nakapinid bago pa makaimik?
Patawad sa mga inagaw at ninakaw
sa mga nadamay, may malay man o wala
Sa halagang binayaran ng himagsikan
ng mga hindi pinakinggan
Kasabay ng sunog
na inutusang kumain
ng bahay at kabuhayan
ay ang galit na kumalat at nag-alab
ngunit sa huli’y tagumpay
ang kanilang sigaw,
bitbit ang Kampanang tumatawag
sa mga mananampalataya
at nangungunsensya sa may sala.
Piyesa ni Ruby Anne Arada
