Buwang kay banas napagpasyahan.
Tapos na ang magsisipagtapos
Nahalina ng kanilang diskwento
Kasama ang tropa’t mga pinsan
Sa pagitan ng Timog at Morato
Libog ang lalamunan na lumaklak
Lalasingin ka ng indak;
Entablado’y dumadagitab sa ligaya
Mahihibang ka sa kahihipak
Nagbabaga sa kaka-kaskas ng plaka
Tatalon sa tiyempo ang tatlong daan
Hihiyaw-hiyaw lahat sa pagmitsa
Itulak niyo ang pinto pakiusap!
Nagnanana na ang kamay at likod
Ang pula ay nagiging itim na
May pagka-arsonista ata ang tadhana
Yayakapin kaming tuluyan ng lagablab
Higit ‘sang-daang kinabukasa’y naabo
Piyesa ni Franz De Castro
