mas malamig pa sa hanging
hindi ko madama
ang rehas nitong selda
kung saan nabilanggo
ang libo-libong
plano at pangarap
kailanman ang pagsagip
sa naghihingalong bukas
ay hindi pagtataksil
ang pagbitbit ng pag-asa
sa daan patungong Capas
ay muli kong isusugal
ngunit kung kapalit ng pagdurusa
ang pagkalag sa kanilang tanikala
…pipiliing itikom ang bibig
kung mas mauunang matapos
ang buhay kaysa sa digmaan
…mamamaalam akong panatag
sa mga mensaheng sa ere ay naiwan
mga sugat na hindi malunasan
at mga katawang natigilan
sapagkat hindi kakayaning
talikuran ni unica hija
ang kanyang inang bayan
Piyesa ni Jazmine Bustamante
